Google ADS

Zjarr në qendër të Fierit, evakuohen në mesnatë dhjetëra njerëz

01:00 | 30 Korrik 2020
Trina Galanxhi

Zjarr i nisur në një automjet ka tronditur në mes të natës, banorët e një lagjeje pranë qendrës së qytetit Fier. Zjarri ka përfshirë në seri dhe disa makina të tjera të parkuara pranë banesave dhe pallateve. Policia ndodhet atje dhe po largon banorët, raporton noa.al.

Gjithçka ka ndodhur pak para mesnate, rreth orës 23:50, në lagjen “15 Tetori” Fier. Raportohet se në bodrumin e një pallati ku ka të parkuara mjete, në një automjet ka rënë zjarr e për pasojë janë përfshirë nga flakët edhe disa mjete të tjera.

Në vendngjarje ndodhen punonjës të shërbimit zjarrfikës, të policisë, FNSH dhe ambulanca dhe po punohet për fikjen e zjarrit.

Shërbimet e Policisë Fier dhe të FNSH po vijojnë me shpejtësi evakuimin e banorëve nga pallati.

Grupi hetimor ndodhet në vendngjarje dhe po punon per sqarimin e rrethanave të rënies së zjarrit. /noa.al/

Shpërndaje në rrjete sociale

Lajmet më të lexuara

Të ngjashme

Foto lajm